«Туруктуу өнүгүү стратегиясынын институту» коомдук фонду –туруктуу өнүгүү концепциясын Кыргызстанда алдыга жылдыруу максатында 2012-жылы уюшулган өкмөттүк эмес уюм. Биздин командабыз биомаданий ар түрдүүлүктү кайрадан жандандыруу жана илгерилетүү Борбордук Азиянын туруктуу өнүгүүсүндөг маанилүү стратегия деп ишенет. Биз бул максатыбызга регионалдык жана жергиликтүү деңгээлдеги экологиялык, экономикалык жана социалдык маселелерди чечүүгө салттуу жана инновациялык жолдорду табуу жана аларды ишке ашыруу аркылуу жетишебиз. Биздин фондубуздун негизги ишмердүүлүгү салттуу билимдерди жана практикаларды алып жүрүүчүлөрдүн иш-аракеттерин колдоого багытталган. Алардын ролу кылымдардан бери келе жаткан билимдерди, биологиялык түрлөрдү, искусствонун формаларын жана биомаданий объектилерин коргоп, алардын байланышын түшүндүрүп сактап калууда.

Биз жергиликтүү коомдорго салттарды, ырым-жырымдарды, баалуулуктарды алардын мүмкүнчүлүктөрүн жана жөндөмдөрүн кеңейтүү, тажрыйба жана ийгиликтүү практикаларды алмашууга колдоо көрсөтүү аркылуу жардам беребиз.

Глобалдык, улуттук жана жана жергиликтүү деңгээлдеги экологиялык, экономикалык жана социалдык маселелерди чечүүдө салттуу жана инновациялык жолдорду табуу жана аларды ишке ашыруу аркылуу туруктуу өнүгүүнү илгерилетүү;

Жергиликтүү коомдорго алардын жашоо деңгээлин жакшыртууга багытталган ишмердүүлүктөрүнө финансылык, консультациялык, уюштуруучулук жана маалыматтык жардам көрсөтүү.

Биз Түндүк жана Ички Тянь-Шань аймактарында биомаданий ар түрдүүлүктү сактоо жана өнүктүрүү багытында иш алып барган жергиликтүү коммерциялык эмес уюмдар, жергиликтүү өз алдынча башкаруу органдары (ЖӨБО) жана салттуу билимдердин алып жүрүүчүлөрү менен кызматташабыз.